October 22, 2018/ Todays e-paper

ওপোজিসননা ঙমখৈ কায়রগনি তোকঙাশন্দোকপদা থাজবিগনু মীয়াম্না ঙমখৈ কায়গনি হায়বগী চিংনবা অমা ফাওবা লৈবিগনু


25th August 2018 |

থৌদাং পাউমীদগী

ইম্ফাল, অাগষ্ট ২৫ ঃ মণিপুর সরকারনা থা খুদিংগী মীয়ামগী নুমিৎ অমসুং হিলস লীদরস দেহায়দুনা মথংশিৎনা থা খুদিংগীতাং ১০ অমসুং ১৫ দা তৌরম্বা অদু অাগষ্ট থাগী ওইনা ঙসি চিফ মিনিষ্টরগী দরবার হোলদা থা অসিগী ওইনা মীয়ামগী নুমিৎ অমসুং হিলস লীদরস দেগী থৌরম পুন্নাপুনশিন্দুনা পাঙথোকখ্রে৷

হৌজিক চত্থরিবা ইন্দো-নাগা ফ্রেমৱার্ক এগ্রিমেন্ট অসিনা মণিপুর কায়রগনি হায়দুনা ওপোজিসন কংগ্রেসপার্টিগী মায়কৈদগী তোকঙাশন্দোক্তুনা হায়জিনবগীপোলিটিক্স তৌরগসু মণিপুরগী মীয়াম্না ঙমখৈ কায়গনি হায়বগী চিংনবা অমা ফাওবা লৈবিগনু হায়না চিফ মিনিষ্টর এন বিরেননা ফোঙদোকখ্রে৷

ঙসি সিএম বঙ্গলো মনুংদা লৈবা দরবার হোলদাপাঙথোকখিবা মীয়ামগী নুমিৎ অমসুং হিলস লীদর দেগী থৌরম অদুদা চিফ মিনিষ্টর এন বিরেননা মণিপুরগী তোঙান তোঙানবা মফম কয়াদগী লাকপাচীং অমসুং তমগী মীয়ামগা উন্নরদুনা মীয়ামগী ৱাকৎশিং অদু নিংথিনা তাদুনা থবক ওইনা পাঙথোক্নবা মরী লৈনবা ওঠোরিটিশিংদা শিন্নখি৷খুদক্তা থবক ওইনা পাঙথোকপায়াবশিং অদুনা মীয়ামগা উন্নফম দরবার হোল অদুদা লৈরিবা তোঙান তোঙানবা দিপার্টমেন্টশিং অমসুং বেঙ্ককী মরী লৈনবশিংদা থবক ওইনা পাঙথোকখি৷

ঙসিগী অদুগুম্লবা মীয়ামগী নুমিৎ অমসুং হিলস লীদর দেগী থৌরম অদুগা মরী লৈননা পাউমীশিংনা হংখিবাৱাহংশিংগী পাউখুম পীরদুনা চিফ মিনিষ্টর এন বিরেননা হায়, হন্দক থা অসি মণিপুর য়ুনিভর্সিটিগী ইরাং লৈখিবা অমসুং অাগষ্ট ১৩ অথৌবশিংগী নুমিৎ অমসুং অাগষ্ট ১৫ ভারতনা নিংখা তমখিবগীইন্দিপেন্দেন্সদে লৈখিবনা তাং ১০ দাপাঙথোক্কদবা মীয়ামগী নুমিৎ অমসুং তাং ১৫ দাপাঙথোক্কদবা হিলস লীদর দেগী থৌরম অদু ঙসি অাগষ্ট ২৫ দাপুন্নায়ৈথোরকখিবনি৷

ঙসি অয়ুক পুং ৯ দগী হৌরকখিবনি৷ য়াম্লবা মীয়াম্না চিফ মিনিষ্টরগা নুমিৎ অসিদাউন্নবা লাকখিবা অসি মীয়াম্না সরকার অসিদা থাজবা কনফিদেন্স অমা লৈবদগীনি৷ সরকারগী মায়কৈদগীসু লাক্লিবা মীয়ামগী অপাম্বাকয়া অদু নিংথিনা নোট তৌশিন্দুনা মরী লৈনবা দিপার্টমেন্টশিংগীখুত্থাংদা থাদুনা মীয়ামগী গ্রিভান্সেসশিং কোকহন্দুনা অমসুং মরম চাবা দিমান্দশিং অদু ফংহন্নবাহোৎনরি৷

বেঙ্ককীলোন পীবিনবা, অনা-অয়েক্কী মতেং পীবিনবা লাক্লিবা কয়া অসি নিংথিনা ফংহনবা ঙম্লি৷ থবক শুনিংবা ইন্টরপ্রেন্যুর ওইনিংবা, ইন্নোভেটিবকীৱাখল্লোন চেনবা, ষ্টার্ট অপকীদমক লোন্নচিংবা শেলগী মতেং লৌনিংবা য়ুঠ অমসুং নুপীকয়া লাকই৷ অসিগুম্বা থবক শুনিংবা মীওইকয়া থোরকপা অসিদা অপেনবা অমসুং নুংঙাইবাফাওই৷

অনৌবাপোত্থোক পুথোক্নিংবা মীওইকয়া থোরকপা অসি লমদম অসি চাওখৎলকপগী খুদমনি৷

হৌজিক লৈরিবা বিজেপিনা লুচিংবা অনৌবা সরকার অসিনা খ্বাইদগী কিবা অসি ওইদবাঙাংবনি৷ ভাবনা শারগা ঙাংবা অসিমুক কিবা লৈতে৷ সরকার অসিনা হেক ৱাশক লৌবগা হিরম কয়াদাশোত্থদুনা লৈরম্বা চীং অসি হেন্নাচাওখৎহন্দুনা চীং-তম অনিমক অসি অমুক্তং শমজিন্নদুনা থোং মান্ননা চাওখৎহন্নবাচীংদা চৎলগা লাওথোক্লম্বাপেকেজ কয়াবুহৌজিক ওপোজিসন ওইনা লৈরিবা কংগ্রেসনা এসেমব্লিদা অমসুং মপান্দা করেম্নদুনা ৱাফম কয়া ফোঙদোরকখি৷

হৌজিক লৈরিবা সরকার অসিনা ফন্দ অমসুং পৈশালৈতনা ঙম্লোইদবদা পংলাওদা লাওথোক্লে হায়না কংগ্রেসনা সরকার অসিবু হুন্দুনা ঙাংখি৷ এসেমব্লি মীফমদা সেঙ্কসন অমসুং ৱার্ক ওর্দরগী কোপি অদুপুথোক্তুনা উৎপা মতমদা ওপোজিসন পার্টিশিংনা তুমিন্না ময়া কুমদুনা লৈখিবসু মীয়াম্না থেংনখ্রে৷(মখা লা ৪ দা)

Ads