October 22, 2018/ Todays e-paper

এম য়ু কম্ম্যুনিটিগা য়ানখিবা দিমান্দশিংথবক্তা ওন্থোত্ক্রবদি খোঙজং মখা চত্থরগনি ঃপ্রোঃ এনজি নিমাই


17th August 2018 |

থৌদাং পাউমীদগী

ইম্ফাল, অাগষ্ট ১৭ ঃএম য়ু ৱাথোক্কা মরী লৈননা চিফ মিনিষ্টরনা চিয়ার লৌদুনা নুমিৎ ৩নি চুপ্না পাঙথোকখিবা মীফমনা এম য়ু কম্ম্যুনিটিনা থাংগৎলকখিবা দিমান্দশিং থবক ওইনা থাজবা পীবগা লোয়ননা ঙসি অসি নৌনা শেম্বা ইনক্বারি কম্মিটি অদুগী ওর্দর থোক্কনি হায়না য়ানখ্রবসু থবক ওইনা পাঙথোরক্তবসি য়ানিংদে৷ এম য়ু কম্ম্যুনিটিগী দিমান্দশিং থবক ওইনা পাঙথোকপা ঙমদ্রবদি ষ্ট্রাইক্কী খোঙজং মখা চত্থগনি হায়না মুটাগী স্পোক্সপার্সন এন জি নিমাইনা ঙসি পাউমীশিংদা ফোঙদোকখ্রে৷

মহাক্না মখা তানা হায়খিবদা, এম য়ু কম্ম্যুনিটিনা হৌজিক ফাওবা মখোয়গী খোঙজং হন্দোকপগী ৱাফম লৈতে৷ দিমান্দ ফংদ্রিবা ফাওবা মখোয়গী খোঙজং মখা তানা চত্থখিগনি৷ য়ুনিভর্সিটি অসিগী ভি সি এ পি পান্দেগী হৌজিক লৈরিবা এজেক্ট পোজিসন অসি করিনো৷ ইনক্বারি অসিগীদমক মঙোন্দা থা অমগী ছুটি পীখিবা অদু অাগষ্ট ৩০দা লোইরে৷ অদুনা নম্ফুদা ভি সি পান্দেনা অমুক হন্না হল্লক্কদৌরিব্রা হায়না হংখি৷

ঙরাং কম্ম্যুনিটি অমসুং মিনিষ্ট্রি ওফ হ্যুমেন দিভলপমেন্ট রিছোর্স মিনিষ্ট্রিগী ওফিসিয়েলশিংগা য়ানদুনা সাইন তৌনখিবা এগ্রিমেন্ট অদুগী মতুংইন্নদি ভি সি এ পি পান্দে ইনক্বারি মনুংদা য়ুনিভর্সিটি কেম্পসতা চংবদা অথিংবা থম্বা য়াওনা ছুটিদা থমগদবনি৷

এম য়ু কম্ম্যুনিটিগী মাইকৈদগী শ্যামকিশ্বর অসি রেজিষ্ট্রার ইন চার্জ ওইনা থম্বা তারবদি ইনক্বারিদা ত্রান্সপরেন্সি ওইরোইদৌবনা মহাক্কী মহুৎতা অতোপ্পা অমবু রেজিষ্ট্রার ইন চার্জ ওইনা হাপ্পা য়াওনা পোইন্ট ১৯গী দিমান্দ অমা মদুবু থবক ওইনা পাঙথোক্নবা ভি সি ইন চার্জতা খঙহনখিবসু লৈখ্রে৷ করিগুম্বা পোইন্ট ১৯ অসি থবক ওইনা পাঙথোকপা ঙমদ্রবদি এম য়ু কম্ম্যুনিটিনা ভি সি ইন চার্জ ওফিস পায়বদা অথিংবা থমগনি৷ হায়রিবা দিমান্দশিং অসি এম য়ু কম্ম্যুনিটিনা হৌজিক চত্থরিবা ষ্ট্রাইক অসি সস্পেন্দ তৌনবগী মরুওইবা পোইন্টশিংনি৷ ভি সি ইন চার্জনা দিমান্দশিং অসিগী মতাংদা পোজিটিভ ওইবা রিজল্ট পীরক্কনি হায়বগী থাজবা লৈ৷

মিনিষ্ট্রি ওফ হ্যুমেন রিছোর্স দিভলপমেন্টকা য়ানখিবা এগ্রিমেন্ট অদুগী মতুংইন্নদি হান্না শেমখিবা ফেক ফাইন্দিং কম্মিটি অদুগী মহুৎতা ইন্দিপেন্দেন্ট টু মেম্বর ইনক্বারি কম্মিটি অমা কন্সটিট্যুট তৌবা, অনৌবা ভি সি অমা মণিপুরদগী নোর্থ ইষ্ট ষ্টেটশিংদগী খনবা অমসুং রেজিষ্ট্রার ইন চার্জ প্রোঃ এম শ্যামকিশ্বরগী নোর্থ ইষ্ট ওর্দর অদু রিভোগ তৌগদবনি হায়বসিনি৷

এম য়ু কম্ম্যুনিটিনা চংশিল্লকখিবা দিমান্দ অসি ষ্টেট অমসুং সেন্ত্রেল গভর্নমেন্ট অনিনা মপুং ফানা সপোর্ট তৌরম্লবদি নুমিৎ ৫নিদা লোয়শিল্লম্বা য়াবনি৷ অদুবু মখোয়গী মঙক হায়গৎপা থৌশাদবা লিচৎ অদুনা খোঙজং অসি নুমিৎ ৮০নি হেন্না চংশিল্লকখিবনি৷ খোঙজং অসিনা মরম ওইরগা অমাং অতা থোকহল্লিবা অসিগী দাইত্য সরকারনা পুগদবনি৷ ইনক্বারি অসিদা এম য়ু কম্ম্যুনিটিনা ফংগনি হায়না অশা তৌরিবা রিজল্ট অদু ফংদবা তারবদি দিমান্দশিং অসি ফংদ্রিবা ফাওবা মখা তানা খোঙজং চংশিনখিগনি হায়খি৷

Ads