December 11, 2018/ Todays e-paper

এনএসসিএন (কে)গী চেয়ারমেন খাংঙো কোনয়াক ইম্পিস তৌরগা ম্যান্মার ওরিজিন ১ হাপখ্রে


17th August 2018 |

গুৱাহাটি অাগষ্ট ১৭ ঃ এন এস সি এন (কে)গী চেয়ারমেন খপ্লাং লৈখিদ্রবা মতুং নৌনা চেয়ারমেন ওইনা হাপখিবা ইন্দিয়ান ওরিজিন খাংঙো কোনয়াক ইম্পিস তৌরগা খপ্লাংগী মচিন মনাওশিংগী মচা ম্যান্মার ওরিজিন য়ুং ওংবু অনৌবা এক্টিং চেয়ারমেন ওইনা হাপখ্রে হায়রি৷

এন এস সি এন (কে)কী ইম্পিসমেন্ট ষ্টেটমেন্ট অমনা হায়রিবনা, চেয়ারমেন খাংঙো অসি কল্লেক্তিভ লিদরশিংগী অয়াবা য়াওদনা পার্টিগী ফঙ্কসনিং অমসুং পৱার পুম্বা পায়শিনবগী মরালদা মহাকপু ইম্পিস তৌরগা ম্যান্মার ওরিজিন য়ুং ওংবু এক্টিং চেয়ারমেন ওইনা হাপখিবনি৷ চেয়ারমেন খাংঙোনা ৱান মেন গভর্নমেন্ট পোলিসিগী মওংদা পৱার অমসুং ফঙ্কসনশিং য়েন্থোক্তনা পায়শিনবসি পার্টি কন্সটিট্যুসন অমসুং দিসিপ্লিন ভাইওলেট তৌবনি৷

মশাগী চহী ৪৫ শুরবা নৌনা এন এস সি এন (কে)গী চেয়ারমেন হাপখ্রবা য়ুং ওং মণিপুরদা গ্রেজুয়েট ফাওবা তম্লমখি৷ লোয়ননা মার্সিয়েল অার্ট অমসুং পোলো য়াম্না হৈবা মীশক অমসুনি৷

য়ুং ওংনা এন এস সি এন (কে)গী চেয়ারমেন হাপখ্রবা মতুংদা পার্টিদা ইম্পিস তৌখ্রবা খাংঙো মহাক্কী লোয়েলিষ্ট খরগা পার্টি অসিগী ম্যান্মারগী সৈগাং রিজনদা লৈবা হেদ ক্বার্টরস থাদোক্তুনা চৎখ্রে৷ পার্টি অসিগী ইন্দিয়ান ওরিজিন তোপ লিদর খরদসু খাংঙোগা লোয়ননা চৎলম্বা য়াই৷ লালহৌলুপ অসিগী য়াম্না শক্তি লৈবা তোপ অার্মি কম্মান্দর নিকি সুমি অসিসু ইন্দিয়ান ওরিজিন নাগা অমনি হায়রি৷

Ads