December 11, 2018/ Todays e-paper

হেল্পিং হেন্দস ফোর পিপলসনা মৈনা চিংবদগী মখুৎ নাম্মা ককখ্রবা থেমার্কতা শেলগী তেংবাং পীখ্রে


19th August 2018 |

থৌদাং পাউমীদগী

ইম্ফাল, অগষ্ট ১৯ঃ লাইবক থিবা থৌদোক অমদা মখুৎ নাম্মা ককখ্রবা মতুং মখা তানা হৌজিকসু য়েৎ থংবা খুৎ ককপা য়াবগী ফিভমদা লৈবদগী ওপরেসন তৌনবা শেল থুমগী অৱাবা মায়োক্নরিবা মশাগী চহী ৮খক্তা ঙাইরিবা উখ্রুলগী নুংবী খুলেনদগী থেমার্কতা খরদং ওইরবসু মতেং ওইনবা হায়দুনা হেল্পিং হেন্দসনা ঙসি শেলগী তেংবাং খুৎশিন্নখ্রে৷

মরাইবক থিরবা থেমার্ক কামকারা (৮) অপোকপা সোমি কামকারা অসি উখ্রুলগী নুংবী খুলেনদগীনি৷ থৌদোক অসি ভিক্তিম অসিনা মমাং চহী ২০১৭ গী সেপ্টেম্বর ৬ তা ওরিয়েন্টেল নাগা একাদমিদা ক্লাস ৱান তম্লিঙৈ মতমদা থোকখিবনি৷

নুমিৎ অদুদা নুপামচা অসি এডুকেসন মিনিষ্টর টিঐচ রাধেশ্যামনা চিফ গেষ্ট ওইদুনা টাউন হোলদা পাঙথোকখিবা ইদুফেস থৌরম অমদা শরুক য়াখি৷ থৌরম মনুংদা মপান থোক্নিংই হায়দুনা টাউন হোলগী মনিং থংবা শরুক্তা মপান থোকফম থিরিঙৈদা মফম অদুদা খিনবা ত্রান্সফোর্মরদগী মৈনা চিংবদগী উখ্রুলদা লৈবা ডাঃ নেলসন ক্লিনিক্তা পুখৎতুনা লায়কন্নরবা মতুং মখা তানা উখ্রুল দিষ্ট্রিক্ট হোস্পিতালদা রিফর তৌদুনা লায়কন্নখি৷ মদুগী মতুংদা রিমসতা রিফর তৌদুনা নুমিৎ ১৫নিরোম লায়কন্নরবা মতুং জেনিমস হোস্পিতালদা মখা তানা রিফর তৌদুনা লায়কন্নখি৷

জেনিমসকী ডোক্টরগী এদভাইস মতুংইন্না ভিক্তিম অসিগী ওইগী খুৎকী খুজেং ফাওবা ককখি৷ করিগুম্বা ফিভম অসি লুরকপা তারবদি য়েৎ থংবা খুৎ অসি ককপা য়াই হায়না ডোক্টরনা এদভাইস তৌখি৷

থৌদোক অসিগী মতাংদা এম এস পি দি সি এল উখ্রুল দিষ্ট্রিক্টকী একজিক্যুটিভ ইঞ্জিনিয়ারনা ভিক্তিম অসিগী লায়েংবদা মতেং ওইনবা লুপা লিশিং ৬০গী (মখা লা ৪দা)

Ads