December 11, 2018/ Todays e-paper

জিরিবাম পুলিসনা ভেলিদ দোকুমেন্টশিং পায়দবা পেসেঞ্জর ৫২ হলহনখ্রে


17th August 2018 |

থৌদাং পাউমীদগী

ইম্ফাল, অাগষ্ট ১৭ ঃজিরিবামদা ইলিগেল ইমিগ্রেন্টশিং চংশিল্লকপা থিংনবা জিরিবাম পুলিসনা চত্থরিবা ভেরিফিকেসনগী শরুক অমা ওইনা ঙসি ইরাই নুমিৎতা ত্রেনদা জিরিবামদা থুংলখিবা পেসেঞ্জর ৫২ চেক তৌবদা ভেলিদ দোকুমেন্টশিং পায়রমদবদগী হলহনখ্রে হায়রি৷

পাউ অসিনা মখা তানা হায়রিবদি, ইরাই নুমিৎ খুদিংগী জিরিবামদা ত্রেনশিং থুংলৈ৷ ঙসিসু মহৌশাগুম জিরিবাম রেলৱ ষ্টেসনদা ত্রেন থুংবগা জিরিবাম পুলিসনা নুপী ১০ অমসুং অঙাং ১০ য়াওনা পুন্না মীওই ৫২ ভেলিদ ওইবা দোকুমেন্টশিং য়াওব্রা হায়না চেক তৌখি৷ অদুবু ভেলিদ দোকুমেন্টশিং য়াওরমখিদে৷ মখোয় অয়াম্বনা জিরিবাম অমসুং বঙ্গাইচুংপাওদা সাইট সিয়িং লাকপনি হায়না ক্লেম তৌখি৷ অদুমকপু সাইট সিয়িংগী মিংদা খুদোংচাবা ফংলবদি মফম অসিদা লোন্না থুপ্না লৈশিল্লবা য়াবগী ওইথোকপা লৈবনা জিরিবাম দিষ্ট্রিক্ট পুলিসনা মীওইশিং অদু হলহনখ্রে৷

পনবা য়াবদি হৌখিবা ইরাই নুমিৎতসু ভেলিদ ওইবা দোকুমেন্টশিং য়াওদনা চংশিল্লকখিবা পেসেঞ্জর ৩৭ হলহনখিবগী থৌদোক লৈখ্রে হায়রি৷

Ads