December 11, 2018/ Todays e-paper

‘ মণিপুর কঞ্জার্ভেসন ওফ পেদিলেন্দ এন্দ ৱটলেন্দ এক্ট, ২০১৪ ’ ইমপ্লিমেন্ট তৌনবা ৱবসাইট অমা লোঞ্চ সরকা


18th August 2018 |

থৌদাং পাউমীদগী

ইম্ফাল, অাগষ্ট ১৮ঃ সরকারনা লৌফম কন্ননবা তোঙান তোঙানবা থবক থৌদা কয়া পায়খৎলকপদা মীয়াম্না সরকারদা মতেং পাংবীদ্রবদি লৌফম কন্ননবা এক্ট অমসুং রুল কয়া লৈজরবসু মদুগী কান্নবা ফংলোই হায়না ঙসি ইম্ফালগী ওল্ড সেক্রেটরিয়েটতা লৈবা মিনিষ্টরগী ওফিস চেম্বরদা ‘ মণিপুর কঞ্জার্ভেসন ওফ পেদিলেন্দ এন্দ ৱটলেন্দ এক্ট, ২০১৪ ’ ইমপ্লিমেন্ট তৌননবা ৱবসাইট অমা লোঞ্চ তৌবগী থৌরমদা রেভিন্যু মিনিষ্টর করাম শ্যামনা মীয়ামদা অাপিল তৌখ্রে৷

মণিপুর সরকারগী দিপার্টমেন্ট ওফ সাইন্স এন্দ টেক্নোলোজিগী মীৎয়েং মখাদা মণিপুর রিমোট সেন্সিং এপ্লিকেসন্স সেন্টর (মার্সাক)না প্রিপেয়ার তৌদুনা ইশ্রোগী মতেংগা লোয়ননা ৱবসাইট অসি লোঞ্চ তৌরদুনা রেভিন্যু মিনিষ্টর করাম শ্যামনা পাউমীশিংদা হায়, ঙসি ৱবসাইট অমা লোঞ্চ তৌবসিনা মণিপুর সরকারনা লমদমসিদা লৈরিবা লৌফমশিং কন্ননবা থবক পায়খৎলক্লিবা অসিদা অচৌবা মতেং ওইরগনি৷

ঙসি ৱবসাইট অসি লোঞ্চ তৌরবনিনা ২০১৪গী মমাংদা লৈরম্বা লৌফমশিংদুনা এক্টকী মতুংইন্না য়ুম কৈ শাজিল্লম্বা , কল-কারখানা তৌবা কয়া লৈরম্বদু এক্টকী মতুংইন্না থবক লৌখৎতুনা কনাগুম্বনা লোন লৌবনচিংবা য়াগদৌরিবনি৷ মদুগী মতুং হৌজিক ৱবসাইট অসি লোঞ্চ তৌরবা মতুংদগী ইং ২০১৪গী মতুংদা লৌফমদা য়ুম কৈ, কল-কারখানা তৌশিনবশিং অদু এক্ট অসিগী মখাদা করি করি তৌবা য়াই হায়বদু য়েংশিনবা য়াবগী অহানবা খোঙথাংনি৷ হায়রিবা এক্ট অসি ইমপ্লিমেন্ট তৌননবা সরকারগী কেবিনেটনা খন্নদুনা লাকপনি৷ ঙসিদি ৱবসাইট লোঞ্চ তৌরবনিনা সরকারগী কেবিনেটনসু এক্ট অসিগী মখাদা থবক তৌবদা খুমাং চাওশিল্লগনি৷

এক্ট অসিগী মখাদা হায়রিবদি, কনাগুম্বা অর্বান এরিয়াদা পোইন্ট ১০ অদুগা রুরেল এরিয়াদা পোইন্ট ২০গী নোমসতা কনাগুম্বা লম লৈতবশিংনা ময়ুম মকৈ শাদুনা অৱাবা কোকহনবা য়াবগী প্রোভিজন কয়াসু য়াওরি৷ মরম অদুনা সরকার অসিনা লমদমসিগী লৌফম কন্ননবা পায়খৎলিবা থবক থৌদাশিংদা মণিপুর মীয়ামনা মতেং পাংবীয়ু৷ সরকারনা লৌফম কন্ননবা পায়খৎলিবা থবক থৌদাশিংদা মীয়াম্না মতেং পাংবীদ্রবদি লৌফম কন্ননবা এক্ট অমসুং রুলস কয়া লৈজরবসু মদুগী কান্নবা থোইনা লৈরোই৷

তশেংনমক্তি সরকারনা লমদমসিগী লৌফম কন্ননবা মণিপুর কঞ্জার্ভেসন ওফ পেদিলেন্দ এন্দ ৱটলেন্দ এক্ট, ২০১৪ চৎননবা হোৎনরকপদা কনাগুম্বনা লৌফমদা য়ুম কৈ , কল-কারখানা তৌশিল্লকপা থিংননবা থবক পায়খৎলকপদা সরকারনা মশাগী লমদা ময়ুম মকৈ শাবদা অথিংবা পীরে হায়না লান্না শন্দোকপা য়াওবসি লাইবক থিবনি৷ সরকারনা লৌফম কন্ননবা পায়খৎলিবা থবকশিং অসি মণিপুর প্রজাগী তুংগী য়েংদুনা পায়খৎপা অখন্নবা থবকশিংনি৷ মরম অদুনা লমদমসিদা লৈরিবা লৌমী শিন্মীনা মপুং ওইবা শিন্ফম ওইরিবা মণিপুর মীয়ামনা সরকারনা লৌফম কন্ননবা পায়খৎলিবা থবক থৌদাশিংদা মতেং পাংবীদুনা লমদমসিগী লৌফম কনবদা অচৌবা থৌদাং লৌমিন্নসি হায়না মিনিষ্টর শ্যামনা মখা তানা অাপিল তৌখি৷রেভিন্যুগী সেক্রেটরি টি রঞ্জিৎ অমদি মর্সাককী ওফিসিয়েলশিং য়াওনা পাঙথোকখিবা ৱবসাইট লোঞ্চ থৌরম অদুদা রেভিন্যুগী দিপুটি সেক্রেটরি ৱাই রাজেন্না ফোঙদোকখিবদা হৌজিক্তি https://manipur.gov.in/?page_id=14095 হায়রিবা ৱবসাইট অসি হাংলবনিনা কনাগুম্বা মীওই অমনা মশা মশাগী ওইরিবা লৌফমগী শক্তমশিং অদু য়েংবা য়াগদৌরিবনি৷ কনাগুম্বনা মশাগী লৌফমশিং অদু হায়রিবা ৱবসাইট অসিদা চংলগা দিষ্ট্রিক্ট - সব দিভিজন অমদি ভিলেজনচিংবা চংলগা মা মানা য়েংনিংলিবা লৌফমগী শক্তমশিং অদু য়েংজদুনা এক্টনা পীরিবা চৎনা কাংলোনগী মতুংইন্না মখোয় মখোয়না তৌনিংলিবা থবকশিং অদুগী মপুং ফাবা শক্তমশিং উবা ফংগদৌরিবনি৷

মণিপুরদা লৈরিবা লৌফমশিং কন্ননবা রেভিন্যু দিপার্টমেন্টনা হৌখিবা মতম কয়াদগী এক্ট অসি চৎননবা হোৎনদুনা লাকপগী মথক্তা সরকারনসু কেবিনেটতা কয়ারক হন্না খন্নরবা মতুং এক্ট অসি এমেন্দমেন্ট কয়া শেমদোক্তুনা চৎনবা হৌখিবনি৷ লোয়ননা ঙসি ৱবসাইট অমসু লোঞ্চ তৌবা ঙম্বনি৷ তশেংনমক্তি এক্ট অসিগী মতুংইন্না কনাগুম্বনা এক্ট অমসুং রুলগী মায়োক্তা থবক তৌরবদি মীওই অদু দন্দি ওইনা ফাইন থিহনবা অমদি জেলদা থম্বনচিংবগী চৎনা কাংলোন কয়াসু য়াওরিবনি৷ মরম অদুনা কেরলাদা মপুং ফানা চৎনখ্রবা এক্ট অসি মণিপুরদসু চৎনদুনা লৌফম কনমিন্ননবা মীয়াম্না সরকারদা মতেং পাংবীয়ু হায়না ৱাই রাজেননা মীয়ামদা অাপিল তৌরি৷

Ads