May 25, 2018/ Todays e-paper

ৱঙ্গর, টাটা মেজিক ১সুং দিজল ওটোশিংনা পুং ৪৮গী ওইনা গারি চেন্দবগী খোঙজং চংশিল্লগনি


10th May 2018

থৌদাং পাউমীদগী

ইম্ফাল মে ১০ : মমাং থা এপ্রিল ২৫দা চিফ মিনিষ্টরনা চেয়ার লৌদুনা পাঙথোকখিবা ত্রাফিক রিগুলেসন এন্দ পার্কিং কম্মিটিগী মীফমনা লৌখিবা ইম্ফাল সিটি মনুংদা ৱঙ্গর, টাটা মেজিক অমসুং দিজল ওটোশিং চংহন্দনবা ফিরেপ অদু হন্দোক্নবা হায়দুনা খোঙজং কয়া চংশিল্লবসু সরকার অসিনা করিমত্তা থৌশাদনা লৈরে৷ মরম অদুনা থা অসিগী ১৩গী অহিং নোংয়াইদগী ১৫গী অহিং নোংয়াই ফাওবা পুং ৪৮ চুপ্না ইম্ফাল এরিয়াদা সার্ভিস তৌরিবা টাটা মেজিক, দিজল ওটো অমসুং ৱঙ্গরশিংনা সার্ভিস লেপ্লগনি হায়না ঙসি প্রেস ক্লবতা পাঙথোকখিবা পাউগী মীফম অমদা ওল মণিপুর অন্দর ফাইভ টোন পেসেঞ্জর সার্ভিসকী কনভেনর এল সোমেন্দ্রোনা ফোঙদোকখ্রে৷

মহাক্না মখাতানা হায়খিবদা হৌখিবা এপ্রিল ৩০দগী হৌনা পেসেঞ্জর সার্ভিস তৌরিবা গারিশিং অসিনা ব্লেক বেজ থেৎতুনা, ৱাকৎ মীফম ফমদুনা অমসুং গারি চেনবা লেপ্তুনা খোঙজং কয়া চত্থখ্রে৷ হৌখিবা মে ২ দসু চিফ মিনিষ্টর, ত্রান্সপোর্ট কম্মিস্নার অমসুং ত্রান্সপোর্ট ডাইরেক্টরদা অইবা চেরোল পীশিন্দুনা এপ্রিল ২৫ দা লৌখিবা ফিরেপ অদু হন্দোক্নবা হায়জখ্রে৷ অদুবু ঙসি ফাওবা মণিপুর সরকারনা করিগুম্বা অমত্তা খন্নবিদবা, লাইরবা নোংমগী শুরগা চারগা হিংলিবা ওটো রিক্সো, টাটা মেজিক অমসুং ৱঙ্গর সার্ভিস তৌরিবা মীওইশিংবু করিসু খন্দবগী মওংদা লৈরিবসি ঐখোয়না খাংবা ঙম্বগী ৱাংমদা লাক্লে৷ মরম অদুনা পুং ৪৮ চুপ্না গারি চেন্দবগী খোঙজং চংশিনগদৌরিবনি৷

খোঙজং অসিদা মণিপুর মনুং অমসুং মপান্দা সার্ভিস তৌরিবা বস অমসুং অতৈ গারিশিংনসু শরুক য়াবীয়ু৷ খোঙজং অসিগা মরী লৈননা থোরকপা অফ ফত্তগী দাইত্য পুম্বা মণিপুর সরকারনা পুগদবনি৷ মসি ফাওবা সরকারনা তাদবা থোক্লবদি হেন্না কনবা খোঙজং কয়া চংশিনগনি হায়খি৷

Ads