May 25, 2018/ Todays e-paper

গো টু ভিলেজ মিসন সরকারনা পীরিবা কান্নবশিং বেনিফিসরিশিংদা মতম চানা য়ৌহন্নবগীদমক্তনি ঃবিশ্বজিৎ


15th May 2018

থৌদাং পাউমীদগী

ইম্ফাল, মে ১৫ ঃ গো টু ভিলেজ মিসন অসি সরকারনা পীরিবা কান্নবশিং অমসুং য়াইফ থৌরাংশিং বেনিফিসরিশিংদা হকথেংননা য়ৌহন্নবগী পান্দমনি৷ মিসন অসিনা তোঙান তোঙানবা স্কিমশিংগী মতাংদা মীয়ামদা খঙহন্নবগী পান্দম থম্লি হায়না অার দি এন্দ পি অার মিনিষ্টর থোঙাম বিশ্বজিৎনা ঙসি গো টু ভিলেজ মিসনগা মরী লৈননা কোংবা ক্ষেত্রি লৈকাইদা লৈবা পান্থোইবী কম্ম্যুনিটি হোলদা সরকারগী তোঙান তোঙানবা দিপার্টমেন্টশিংনা হাংদোকখিবা ষ্টোলশিং য়েংশিন খোঙচৎকা মরী লৈননা ফোঙদোকখ্রে৷

মহাক্না মখা তানা হায়খিবদা, খোঙথাং অসি সেন্টর অমসুং ষ্টেট সরকার অনিনা লাইরবশিংগীদমক পায়খৎলিবা তোঙান তোঙানবা স্কিমশিং অসি মতিক চাবা বেনিফিসরিশিংগী য়ুমথোং খুদিং য়ৌহন্নবা খোঙথাং অমনি৷ খোঙথাং অসি ভারতকী প্রাইম মিনিষ্টর নরেন্দ্র মোদিগী সবকা সাট সবকা বিকাশ হায়বা ৱাখল্লোন অসিগী মতুংইন্না ষ্টেট সরকারনা পায়খৎপনি৷ মিসন অসিনা সরকার অমসুং মীয়ামগী মরক্তা লৈরিবা থাজনদবা অমসুং পাউ ফাওদোক্নবা অদু মেনশিন্নবা পায়খৎপা খোঙথাংনি হায়খি৷

মিসন অসিগী শরুক অমা ওইনা মিনিষ্টরনা হেন্দলুম এন্দ টেক্সটাইল ডাইরেক্টোরেটকী মোর্দনাইজেসন ওফ অাউট ষ্টেন্দিং ক্রাফ্ট পার্সন স্কিমগী মখাদা ষ্টেট এৱার্ডি ফংলবা অর্টিসান ৫ দা লুপা লিশিং ২০৷ ২০গী চেক খুৎশিন্নখি৷ সোসিয়েল ৱলফেয়ার দিপার্টমেন্টনা পীবা পেন্সন স্কিমগী মখাদা লমদম অদুগী দিসএবল্ড ৭ তা পেন্সন খুৎশিন্নখি৷ উজ্বালা স্কিমগী মখাদা খনগৎলবা বেনিফিসরিশিংদা গ্যাস কন্নেক্সন খুৎশিন্নখি৷ পনবা য়াবদি ঙসিগী গো টু ভিলেজ মিসন অদুগা মরী লৈননা ষ্টোল ২৬ হাংদোক্তুনা থোংজু কেন্দ্রগী উচেকোন নোংপোক জিপিগী মখাদা লৈবা লৌমানবী, তাখোক মপান অৱাং, উচেকোন খুন্নৌ অমসুং উচেকোন ক্ষেত্রি লৈকাইদা লৈবা বেনিফিসরিশিংগী য়ুমথোং খুদিংদা সরকারগী খুদোংচাবা স্কিমশিং ফংহনখি৷

Ads