December 11, 2018/ Todays e-paper

য়েলহৌমী খন্দোকপগী কট ওফ বেজ ইয়র ১৯৫১ অহোংবা লৈরোই সরকারনা মণিপুর ষ্টেট পোপুলেসন কম্মিসন অথুবদা লিংখ


17th August 2018 |

থৌদাং পাউমীদগী

ইম্ফাল অাগষ্ট ১০: লমদম অসিদা য়েলহৌমী খন্দোকপগী কট ওফ বেজ ইয়র ১৯৫১ ওইরিবা অসি হোংদোকপগী ন্বাফম লৈতে৷ হৌখিবা জুলাই ২৩ দা পাঙথোকখিবা মণিপুর ষ্টেট এসেমব্লিনা য়েৎনবা লৈতনা পাস তৌখ্রবা দি মণিপুর পিপলস বিল ২০১৮ কী মখাদা কট ওফ বেজ ইয়র অসি ১৯৫১ দা লেপখ্রবনি ৷ মসিগা লোয়ননা মমাংগী কংগ্রেস সরকারগী মতম ২০১৫ তা য়ানখিবা মণিপুর ষ্টেট পোপুলেসন কম্মিসন অথুবদা লিংখৎকদবনি ৷ হিরম অসিগা মরী লৈননা লাক্কদৌরিবা থাংজ নুমিৎ অসিদা কম্মিতিগী মায়কৈদগী সরকারদা অল্টিমেটম অমা সবমিট তৌরগনি হায়না ঙসি জেসিঅাইএলপিএসকী ওফিসতা পাঙথোকখিবা পাউগী মীফম অমদা কম্মিতিগী কনভেনর য়ুনাম দিলিপকুামরনা ফোঙদোকখ্রে৷

মহাক্না মখা তানা হায়খিবদা, বিল অসিদা য়াওরিবা য়েলহৌমী খন্দোকপগী কট ওফ বেজ ইয়র ১৯৫১ অসি লমদম অসিদা চহী লিশিং কয়াদগী নুংশি-চান্ননা খুন্দামিন্নরক্লিবা চীংমী-তম্মীগী ওইবা লুপ কয়াগী লুচিংবশিং, মরু ওইবা মীহুৎশিং কয়ারক হন্না খন্নরবা মতুংদা লেপখিবনি৷ লোয়ননা সরকারগী মায়কৈদগীসু মীয়ামগী ইহুল খঙনা মখোয়গী ওইবা থৌদাং লৌদুনা বিল অসি পাস তৌখিবনি৷ বিল অসি জুলাই ২০ দা টেবল তৌরগা মণিপুর হিলস এরিয়া কম্মিতিদা থাদরবা মতুং জুলাই ২৩ গী এসেমব্লি সেসনদা পুথোক্তুনা হাউসকী মেম্বরশিংনা অমত্তা ওইনা অয়াবা পীদুনা ভোইস ভোট তা পাস তৌখিবনি হায়বা ঐখোয় খুদিংমক্না খঙনরবা ন্বাফমনি৷

অদুমকপু লাইবক থিবদি বিল অসি পাস তৌরবা মতুং খরা লৈরগা ত্রাইবেল ইচিল-ইনাও খরানা মখোয়গী অনিংবা অপাম্বা খরা ফোঙদোকপা লৈখি৷ অদুবু মদু ঐখোয় মশেল পাউ ফাওবা ন্বাৎহৌবদগীনি৷ মদুনা থোইদোকপা অকায়বা পীবদি য়াওখিদে৷

এসেমব্লিনা মত অমত্তা ওইনা পাস তৌখ্রবা বিল অসিগী মায়োক্তা জিরিবাম দিষ্ট্রিক্টকী মনুংদা লৈবা মণিপুরী লোল ফাওবা ঙাংদবা বেঙ্গালি অমসুং হিন্দি লোল ঙাংবা মীওই খরানা অয়েৎপা পীরকখিবসি লাইবক থিবনি৷ মখোয়না মণিপুর পিপলস বিল ২০১৮ কী মখাদা নন-মণিপুর পিপলস খন্দোকপগী বেজ ইয়র ১৯৫১ ওইরিবসি ১৯৭১ ওইহনবীয়ু হায়বসি য়াবা ঙম্লোই৷ ১৯৮০ গী অঙনবা শরক্তগী লুপ খরনা মণিপুরদা অাই এল পি চৎনহল্লু হায়বগী খোল্লাও কয়া লাওদুনা লাকখ্রবনি৷ মসিগী মতুং তারকপদা জেসিঅাইএলপিএস শেমদুনা খোঙজং কয়া চঙশিন্দুনা লাকখিবনি৷

চহী ৩০৷ ৪০ রোম চুপ্না চঙশিল্লকখিবা খোঙজংগী মহৈ ওইনা মীতোপ খন্দোকপগী বেজ ইয়র অসি ১৯৫১ ওইফম থোকই হায়বসি মীয়ামগী অপাম্বা মতুং ইন্না লেপখিবনি৷ (মখা লা ৪ দা)

Ads