May 25, 2018/ Todays e-paper

নোর্থ ইষ্ট মীয়ামশিংদা কা হেনবা থৌওংশিং চত্থরকপা থিংনবা ইন্সত্রক্সন পীনবা


5th May 2018

হোম মিনিষ্টরদা তকশিনখ্রে

থৌদাং পাউমীদগী

ইম্ফাল, মে ৪ঃ নোর্থ ইষ্টকী মীয়ামদা জাতি কাংলুপ নাইবা মওংদা মেন্দলেন্দ ইন্দিয়াগী মীওইশিংনা কা হেনবা থৌওংশিং চত্থরিবা অসি থিংনবা রেলন্বে ওথোরিটি অমসুং সেক্যুরিটি ফোর্সশিংদা মথৌ তাবা দিরেক্তিভশিং পীননবা চিফ মিনিষ্টর এন বিরেননা য়ুনিয়ন রেলন্বে মিনিষ্টর পিয়ুস গোয়েল, য়ুনিয়ন হোম মিনিষ্টর রাজনাথ অমসুং বিহারগী চিফ মিনিষ্টর নিতিসকুমারদা অইবা চেরোল পীদুনা তকশিনখ্রে৷

দিল্লিদগী গুন্বাহাটি তম্না রেলদা লাকখিবা মণিপুরগী নহা ১২ জমনপুরদা জাতি কাংলুপ নাইবা মওংদা এটেক তৌরকখিবগী থৌওং অদুগা মরী লৈননা চিফ মিনিষ্টরনা য়ুনিয়ন রেলন্বে মিনিষ্টর পিয়ুস গোয়েল, য়ুনিয়ন হোম মিনিষ্টর রাজনাথ অমসুং বিহারগী চিফ মিনিষ্টর নিতিসকুমারদা পীখিবা অইবা চিঠি অদুদা হায়রিবদি, মণিপুরগী নহা ১২ দা জাতি কাংলুপ নাইবা মওংদা কা হেনবা থৌওংশিং চত্থরকখিবা অদুনা মণিপুরদা তংদু লৈতাদবা অমসুং লো এন্দ ওর্দরগী ইশুদা তং তাদবা অমা মায়োক্নহল্লে৷ অসিগুম্বা থৌওংশিং অসি মমাংদা থোকখিবা কয়া লৈরে৷

ষ্টেট গভর্নমেন্টন ভারত সরকারগী মতেংগা লোয়ননা নোর্থ ইষ্ট ইন্দিয়া অমসুং লৈবাক অসিগী মফম কয়াগা কম্মুনিকেসন গেফ লৈহন্দনবা অমসুং মীওইবগী ওইবা হ্যুমেন রিলেসন অসি লৈহন্নবা য়াম্না কন্না হোৎনরি হায়বসি হেন্না খঙলমগনি৷ লোয়ননা লৈবাক অসিগী মফম কয়াদা মহৈ মশিং তম্লিবা, থবক তৌরিবা অমসুং করবার তৌরিবা নোর্থ ইষ্টকী মীয়ামদা সেক্যুওর ইনভাইরোনমেন্ট অমা লৈহনবগা লোয়ননা থাজনবগী মরী অদু হেন্না চেৎশিনহন্নবা মেন্দলেন্দ ষ্টেটশিংনা য়াম্না কন্না হোৎনবা মথৌ তাই৷ মরম অদুনা থৌদোক অসিগা মরী লৈননা নোর্থ ইষ্টকী মীয়ামদা মতুংদা অমুক হন্না কা হেনবা থৌওংশিং অমসুং অশোক অপন নংহনবগী থৌওংশিং অসি চত্থহন্দনবা মতিক চাবা সেক্যুরিটিশিং পীননবা রেলন্বে ওথোরিটি , সেক্যুরিটি ফোর্সশিং, ষ্টেট খুদিংমক্তা মথৌ তাবা দিরেক্তিভ পীনবা তকশিল্লি৷ মসিনা লৈবাক অসিগী ওইনা মীয়াম মরক্তা হেন্না নকশিন্নবা অমসুং অফবা চাওখৎপা অমা ওইহন্নবা হোৎনবদা হেন্না মতেং ওইগনি হায়রি৷

Ads