May 25, 2018/ Todays e-paper

এসদিপিওগী য়ুমদা নোংমৈ কাপশিল্লম্লে


15th May 2018

থৌদাং পাউমীদগী

ইম্ফাল, মে ১৫ঃ ঙরাং নুমিদাংৱাইরম ইম্ফাল ইষ্টকী পোরোম্পাৎ পুলিস ষ্টেসনগী বম্মর্াপুর অরিবম লৈকাইদা লৈবা ইম্ফাল পুলিস ষ্টেসনগী এস দি পি ও এ ঘনশ্যামগী য়ুমদা শকখঙদবশিংনা নোংমৈ রাউন্দ অমা কাপশিল্লম্লে হায়রি৷

থৌদোক অসিগী মতাংদা প্রেসনা ফংবা পাউদা হায়রিবনা, এস দি পি ও ঘনশ্যামগী লোয়নবীনা ঙরাং নুমিদাংৱাইরম য়ুমগী ফার্ষ্ট ফ্লোরদা লৈবা কিটচনগী অৱাং থংবা থোংনাওগী মিংশেল পাদর হায়জিন্নবা হোৎনবদা মিংশেল অদুদা নোংমৈ মখুল অমা হোরগা লৈরম্বা থেংনখিবনি৷ খুদক্তা এক্সপার্টশিং কৌদুনা থিজিনবদা থোংনাওদা তারিবা মখুল অদু নোংমৈনা কাপশিল্লম্বনি হায়বা খঙবা ঙমখি৷ থৌদোক অদুগী মতাংদা ইম্ফাল ৱষ্টকী এস পি তেমথিং য়াওনা মকোক থোংবা ওফিসিয়েলশিং লাক্তুনা য়েংশিনখ্রে হায়রি৷

Ads