May 25, 2018/ Todays e-paper

এমদিএসকী প্রোজেক্ট ডাইরেক্টরনা লুপা ক্রোর ১৮৪ লৌথোকখি হায়বা চিংনবা লৈবনা থিজিন্নবা সিবিঅাইদা শিন্নখ্রে


27th April 2018

থৌদাং পাউমীদগী

ইম্ফাল, এপ্রিল ২৭ন্ দি ভিজিলেন্স এঃদ এঃিট-করপসন দিপার্টমেঃট, মণিপুরনা ২০১৭ গী এপ্রিল ১ দগী ২০১৮ কী মার্চ ৩১ ফাওবা তোঙান তোঙানবা দিপাটর্মেঃট ৫০ দগী কেস ৯৬ রেজিষ্টার তৌখ্রে হায়না দি অাই পি অারনা শিঃদুনা পাঙথোকপা পরিং নাইনা চত্থরকপা প্রেস কনফরেন্সকী ঙসিগী সেসনদা ভিজিলেন্সকী এস পি শ্রী সাপম হোপসননা ফোঙদোকখ্রে৷

মহাক৺া মখা তানা হায়খিবদা হায়রিবা মতম অসিগী মনুংদা মেজর পেনাল্টিগীনা ইনক্বারি কেস তরুক অমদি মাইনর পেনাল্টিগী ওইনা ৯ রিকমেঃদ তৌখ্রে৷ ২০১৭ গী এপ্রিল মমাংগী অরিবা কেস য়াওনা ইনক্বারি কেস ৬৭ সু মতমসিগী মনুংদা দিসপোজ তৌখ্রে হায়খি৷

ইন্সপেক্টর (অাই ও) টিঐচ রঞ্জন্না হায়খিবদা হৌখিবা চহী অমসিদা দিপার্টমেঃট অসিনা লৌখৎখিবা কেসশিংগী মনুংদা মণিপুর দিভলপমেঃট সোসাইটি (এম দি এস), লোক্তাক দিভলপমেঃট ওথোরিটি (এল দি এ) অমদি এডুকেসন ইঞ্জিনিয়ারিং ন্বিংনচিংবশিং ইরিগুলরিটিশিং লৈরম্বা থিজিনবা য়াওরি৷

ভিজিলেন্স কেস নম্বর ৫৯৷ পি ই৷ এস পি- ভি৷ ২০১৬ অসি থিজিন হুমজিন তৌরবা মতুংদা হান্নগী এম দি এসকী প্রোজেক্ট ডাইরেক্টরনা সোসাইটি অসিগী অতোপ্পা ওফিসারশিংগা মান্নরগা লুপা ১৮৪, ৪২, ১১, ৪৭৮.৫৬ অরানবা মওং অমদি হুরান লান্নাদা লৌথোক্লবা য়াই হায়না চিংনৈ৷ কুপ৺া থিজিল্লবা মতুংদা এফ অাই অার অমা পাঃদুনা সি বি অাইদা ষ্টেট গভর্নমেঃটনা মখা তানা থিজিনহন্নবগীদমক শিন্নখ্রে হায়না শ্রী রঞ্জন্না ফোঙদোকখি৷

এল দি এগী কেসকী মতাংদা পল্লদুনা মহাক৺া হায়, ভিজিলেন্স কেস নম্বর ২৷ এস পি- ভি এঃদ এ সি৷ ২০১৮কী ইনক্বারি চত্থরবা মতুংদা খঙলকপা ঙমখ্রে৷ মদুদি এল দি এগী হান্নগী চেয়ারমেন্না মেম্বর সেক্রেটরি ওইরম্বা প্রোজেক্ট ডাইরেক্টর অনিগা লোয়ননা ২০০৮কী অাগষ্ট ৫ দা ফমখিবা মীফম অমগী মতুংইন্না কেবিনেট অমদি অতোপ্পা এলদিএগী মেম্বরশিংগী অয়াবা য়াওদনা ফুমদি শেংদোক৺বগী লুপা ৩, ০৬,১০, ১০০ তাবা টেঃদর অদু শুক্কৌ কৌদনা হায়দ্রবাদকী এম৷ এস প্রোগ্রেসিভ কন্সত্রক্সন লিমিটেদ কৌবা ফার্ম অমদা পীথোক্তুনা লৈরম্মী৷ মসিনা এল দি এগী ওফিসিয়েলশিং মখোয়না পায়রিবা ফমশিং অদুগী দায়ত্ব অদু লান্না শীজিন্নদুনা এম৷ এস প্রোগ্রেসিভ কন্সত্রক্সন লিমিটেদতা ফেবর তৌবা অদু উৎলি হায়নসু মহাক৺া মখা তাখি৷

এল দি এগী টেঃদর কম্মিটিনা এম৷ এস প্রোগ্রেসিভ কন্সত্রক্সন লিমিটেদনা ওফর তৌবা রেট অদুগা য়ান্নদুনা সেঙ্কসন তৌবা লুপা লাক্ষ ২২৩৭৩.৫২ গী মথক্তা লুপা লাক্ষ ৬৫ হেনগৎতুনা লুপা ২২৪৩৯.২৪ গী সিঙ্গল টেঃদর অদু য়াখি৷ মমুৎ তানা ইরিগুলরিটিশিং অসি ইনক্বারি তৌরবা মতুংদা ভিজিলেন্স কম্মিসন্না এক্যুজ ওইরিবা মীওইশিংগী মথক্তা অমুক্কা মখা তানা থিজিন্ননবা এফ অাই অার অমা পানখ্রে হায়না মহাক৺া ফোঙদোকখি৷

ভিজিলেন্স কেস নম্বর ১০৷ পি ই৷ এস পি- ভি এঃদ এস সি৷ ২০১৮কী মখাদা ইনক্বারি তৌরবা মতুংদা এডুকেসন ইঞ্জিনিয়ারিং ন্বিং, মণিপুরগী চিফ ইঞ্জিনিয়ারনা মশক মমিং খঙদবা মীওই অমদগী লুপা লিশিং ৫০ গী দিমাঃদ অমা মহাক্কী দি এম কলেজদা লৈরিবা ওফিসতা তৌখি হায়না খঙবা ঙমখি৷ মখা তানা থিজিন্নবগীদমক কম্মিসন অসিনা এফ অাই অার অমসু পানখ্রে৷

দিপার্টমেঃট অসিনা ইমা মার্কেট নম্বর ৩ গী সেদ নম্বর ন্বানগী সিলিংগী শরুক খরা ২০১৮কী এপ্রিল ২৪ দা নিংখায়রকখিবা অদুগী মতাংদা ইনক্বারি অমদি স্পোট ভেরিফিকেসন তৌরবা মতুংদা কেস অমা লৌখৎখ্রে হায়খি৷

দিপার্টমেঃট অসিগী ইন্সপেক্টর (ইষ্টাব্লিসমেঃট) মাওন্বি ভাইফৈনা হায়খিবদা ইং ২০১৭ গী এপ্রিল ১ দগী ২০১৮কী মার্চ ৩১ ফাওবদা ডাইরেক্টোরেট ওফ হেলঠ সার্ভিসেস অমদি ভেটিরিনরি এঃদ এনিমেল হজভেঃদরি দির্পামেঃটতা কেস ২৷ ২ এক্সন লৌনবা রিকমেঃদ তৌখ্রে অমদি এডুকেসন, অাই এফ সি দি, টুরিজম, এক্সাইজ, এদিসি, পুলিস কোওপরেটিভ এঃদ সেট্টলমেঃট দিপার্টমেঃটশিংদনা কেস অমমম এক্সন লৌখৎনবা রিকমেঃদ তৌখ্রে হায়খি৷

ইন্সপেক্টর (ইষ্টাব্লিসমেঃট) শ্রী অার কে বিক্রমজিৎনা হায়খিবদা, মেনপন্বারগী অন্বাৎপা লৈরবসু ভিজিলেন্স এঃদ এঃিট করপসন দিপার্টমেঃট, মণিপুরনা ষ্টেট অসিদা করপসন হন্থহন্নবা হনবা লৈতনা হোৎনরি হায়খি৷

Ads