December 11, 2018/ Todays e-paper

এম য়ুগী এ ব্লোক হাংদোক্তুনা মহৌশাগুম থবক তৌবা হৌখ্রে রেজিষ্ট্রার ইন চার্জ নৌনা হাপখ্রে, পরিক্ষা হায়


24th August 2018 |

থৌদাং পাউমীদগী

ইম্ফাল, অগষ্ট ২৩ঃ মণিপুর য়ুনিভর্সিটি এ পি পান্দে মফম লৌথোক্কদবনি হায়না এম য়ু কম্ম্যুনিটিনা চংশিল্লকখিবা খোঙজংনা মরম ওইরগা নুমিৎ ৮৬নি চুপ্না থোং লোল্লুরবা মণিপুর য়ুনিভর্সিটি এ ব্লোক ঙসিদগী হাংদোক্তুনা মহৌশাগুম মথৌ তৌবা হৌখ্রে৷

য়ুনিভর্সিটি কম্ম্যুনিটিনা ৱাথোক কয়াদা চেন্নরবা ভি সি এ পি পান্দেগী মথক্তা ইনক্বারি তৌবা য়াওনা মরালগী মতিক চাবা দন্দি পীগদবনি হায়না চংশিল্লকখিবা খোঙজং অদু মণিপুর সরকারনা মপুং ওইবা দাইত্য লৌদুনা হ্যুমেন রিছোর্স দিভলপমেন্ট মিনিষ্ট্রিগী ওফিসিয়েলশিং ইম্ফালদা লাক্তুনা ৱারী শান্নরবা মতুং এম ও য়ু সাইন তৌনদুনা য়ানবা পুরকখিবগা লোয়ননা মিনিষ্ট্রিগী মাইকৈদগী এম য়ু কম্ম্যুনিটিগী দিমান্দশিং অদু ইন টোটো থবক ওইনা ওন্থোক্কনি হায়বগী থাজবা পীরকপদগী খোঙজং হন্দোক্তুনা ঙসি এ ব্লোক হাংদোক্তুনা মহৌশাগুম থবক তৌবা হৌখিবনি৷

ঙসি অয়ুক পুং ১১.৩০ রোম তাবদা এম য়ুগী এ ব্লোক হাংদোকপগী থৌরম অদুদা সিভিল সোসাইটি ওর্গনাইজেসনশিংগী লুচিংবশিংসু য়াওখি৷ য়ানবা পুরকখিবদগী এম য়ু ব্লোক হাংদোক্তুনা মথৌ তৌখ্রবসু মখোয়না তাল্লিবা দিমান্দশিং অদু থবক ওইনা পাঙথোক্ত্রিবা ফাওবা খোঙজং হন্দোকপগী ৱাফমদি লৈতে হায়রি৷

মুসুগী প্রসিদেন্ট দয়ামন্দনা হায়খিবদা, য়ুনিভর্সিটি অসি মতম কুইনা থোং লোল্লুবনা মহৈরোইশিংগী পুন্সিদা চাওনা অকায়বা লাকপা অদুগা সরকারগা য়ানখিবা অদুগী মতুংইন্না ঙসি এ ব্লোক হাংদোকখিবনি হায়রি৷

অমরোমদা এম য়ু কম্ম্যুনিটি অমসুং ঐচ অার দি মিনিষ্ট্রিগী ওফিসিয়েলশিংগা এম ও য়ু সাইন তৌনখিবা অদুগী মতুংইন্না য়ুনিভর্সিটি অসিগী হান্নগী রেজিষ্ট্রার প্রোঃ এম শ্যামকিশ্বরগী মহুৎতা য়ুনিভর্সিটি অসিগী অাই সি এ ক্যুগী ডাইরেক্টর প্রোঃ ঐচ দোরেন্দ্রজিৎ মহাক্কী নোর্মেল দ্যুটিগী মথক্তা ইনক্বারি চত্থরিঙৈ মনুং নুমিৎ ৩০নিগী ওইনা ভি সি ইন চার্জগী ফম পুহনখ্রে৷(মখা লা ৪দা)

Ads