May 25, 2018/ Todays e-paper

ফিল্মদা মাংজিল থারিবা অৱাং নেংপোক্কী নহা মেকরশিং


29th April 2018

          ভারতকী অৱাং নোংপোক্তা লৈরিবা রাজ্য নিপান অসি ফিল্ম নম্বা অমসুং পুথোকপগী লমদা থোইদোক৺া অনৌবা ওইদ্রে৷ লমদমশিং অসিদগী ফিল্ম কয়া মথং মথং পুথোক৺রকপনা ঙসিদি নোর্থ ইষ্ট সিনেমা নত্রগা নোর্থ ইষ্ট ফিল্ম হায়না খঙনরক্লি৷ অাসাম অমসুং মণিপুরখক্তা নত্তনা অপুনবা রাজ্য অসিদা দিজিটেল ফিল্মমেকিংগী খোঙচৎ অমা ইকুই কুইদ্রি, চহি খরগী মমাংদগী চঙশিনবা হৌনরক্তুনা সিনেমাদা দিমোক্রেটাইজেসনগী তাঙ্কক অমসু পুরকপা ঙমলে৷ ম্যেনলেঃদ ইঃিদয়ান সিনেমাদগী তোখায়বা মশক অমদা লৈরিবা নোর্থ ইষ্টকী ফিল্মশিং অমদি ফিল্মমেকর কয়া নোর্থ ইষ্ট রিজন অসিনা পুথোরক্তুনা ঙসিদি নেসনেলখক্তা নত্তনা ইঃটরনেসনেল সাকর্ুইটতা অৱাংবা মিংচৎ কয়া তোঙান তোঙানবা ফিল্ম সবজেক্ট অমসুং থিমশিংদা নমদুনা লেপ্পা লৈতনা লেমজনিঙাই ফিদা কল্লক্লি৷ রিজন অসিনা মখোয়গীদমক চাউথোকচবগা লোয়ননা লমদম অসিবু অমুক নৌহৌনা শক তাক৺বা হোৎনবদা মাংজিন থানা চংশিল্লক্লিবা মেকরশিংদা, চে পর্থা বোর্গোহেন, নহা ওহে(00FC)রিবা ফিল্ম মেকর অসি অরুনাচল প্রদেশকী নমসাইদগী স্কুল্লিং তৌরবা মতুং মাদ্রাসকী খৃষ্টিয়ন কলেজদগী ফোটোগ্রাফি অমসুং ফিল্মমেকিংগী কোর্স মপুং ফানা লোয়শিনখি অমদি মখা তানা মাইঃদস্কৃন ফিল্ম স্কুলদা ফিল্ম অমসুং মোসন পিকচর ফোটোগ্রাফি তৌখি৷ মসিগী মতুং তারকপদা মমিং লৈরবা সিনোমাটোগ্রাফর অমদি দিরেক্টর রাজিব মেননগী মখাদা এসিষ্টেঃট ওইনা ৱার্ক তৌদুনা ফিচর ফিল্ম কয়াদা নত্তনা এদভার্টিজমেঃট (এদ ফিল্ম) কয়াদা য়াওখি৷ মহাক্কী ইং ১৯৬২ দা পুথোকখিবা ‘মাই কন্ত্রি লেঃদ’ হায়রিবা ফিচর ফিল্ম অসি কান্স ইঃটরনেসনেল ফিল্ম ফেষ্টিভেলদা স্কৃন তৌখি৷


ফিল্মমেকর অমা ওইবগী অপাম্বা লৈরকপা, ইবগী ইখৌলাংবনা মতম চুপ্পদা কাইহৌরিবা অমদি অচঙবা সোসিয়েল ৱার্কর অমগী মগুনসু চেল্লিবা হৈ-শিংলবা ফোটোগ্রাফরনি৷ ওইনাম দোরেন ৷ লম কয়াদা হৈথোই শিংথোইরবা মণিপুরগী নহা ওইরিবা দিরেক্টর অসিনা মহাক্কী কেরিয়র অসি শিল্লোংগী সেঃট এন্থোনি কলেজদগী হৌরকখি৷ মহাক্কী দোক্যুমেঃটরি ‘সোংস ওফ মাশংভা’ হায়রিবা তাঙ্খুল নাগা ত্রাইবকী অরিবা ইঃিদজিনিয়স সোংদা কত্থোক৺বা শৈশকপা গুরু রু্যবেনগী ৱার্কতা য়ুম্ফম ওইবা ফিল্ম অসি নেসনেল এৱার্দ ফংখি৷ ফিল্ম অসিনা ভারত্তা নত্তনা মালেমগী ফেষ্টিভেলদসু কয়াদসু টুর তৌখি৷ মহাক্কী অনৌবা ফিল্ম ‘মাই নেম ইজ ইৱু’ হায়রিবা ফিল্মসিনা মমাং চহিগী মার্চ ২৯ দগী এপ্রিল ১ ফাওবা য়ু কে গী ব্রিষ্টোলদা লৈবা ৱাটরসেদতা ‘টেঞ্জিবম কলচরেল প্রাইজ’ গীদমক ১৫শুবা রাই ফিল্ম ফেষ্টিভেলদা নোর্মিনেট তৌখি৷ ফিল্ম অসি মেঘলয়াগী ইষ্ট খাসি হিলদা লৈবা কোংথোং ভিলেজদা য়ুম্ফম ওইরগা নম্বনি৷ কোংথোং হায়রিবা ভিলেজ অসি শিল্লোংদগী কিমি ৬০ চৎলগা লৈবা অপীকপা খুল অমনি৷

অরুনাচল প্রদেশনা ইং ২০১৬ তা য়ুম্বু ওইরগা পাংথোকখিবা ফিল্ম নোর্থ ইষ্ট ২০১৬ তা থোইদোক৺া ফিল্মমেকর অমগী মফম কনবা ঙমখ্রবা কি ভি নি শোহে হায়রিবা নৌরিবা ফিল্মমেকর অসিনা নাগালেঃদ দগীনি৷ ‘নোর্থ ইষ্ট অঃদর দি সেগমেঃট অৱর ষ্টোরিজ’ হায়রিবা ফেষ্টিভেলদুগী সেসঃদা মহাক্কী ‘ও! মাই সোইলে’ হায়বা হোমোসেক্স্যুয়েলগী থিমদা য়ুম্ফম ওইবা দোক্যুমেঃটরি ফিল্ম অসিনা বেষ্ট দোক্যুমেঃটরি ফংখি৷

অাসামদা নৌনা লিখৎলক্লিবা দিরেক্টরশিংগী মনুংদা ভাস্কর উপানধয়াসু অমনি৷ মহাক ইষ্ট্রন গ্রীন পিকচরগী ফাউঃদরসুনি৷ কম্প্যুটর সাইন্সকী মহৈরোই ওইনা হৌরকখিবা উপানধয়ানা অহানবা ওইনা নমখিবা শোর্ট ফিল্ম ‘টেজ’ না মহাকপু শকখঙখিবতা নত্তনা ৬শুবা দাদা সাহেব ফালকে ফিল্ম ফেষ্টিভেলগী ওফিসিয়েল সেলেক্সন অমদি জয়পুরগী ১৬শুবা ইঃটরনেসনেল ফিল্ম ফেষ্টিভেল য়াওনা ৬৯শুবা কান্স ইঃটরনেসনেল ফিল্ম ফেষ্টিভেলগী শোর্ট ফিল্ম কোর্নরদসু খনখি৷

য়াম্না নৌরিঙৈ, ১৯৯০ গী মতমদগী হায়স্কুল তম্ন-তম্না ফিল্মবু পামজরকপগা লোয়ননা লম অসিদা সেসিনো হোসুনা খোঙদাবা হৌরকখি৷ শিল্লোংগী সেঃট এন্থোনি কলেজদগী মাস কম্ম্যুনিকেসন অমসুং ভিদিও প্রদক্সনগী কোর্স মপুং ফানা লোয়শিনখি৷ মতুংদা ফিল্ম এঃদ টেলিভিজন ইন্সটিট্যুট ওফ ইঃিদয়া (এফটিঅাইঅাই) দগী সিনেমাটোগ্রাফিদা স্পিসিয়েলাইজ তৌখি৷ রোয়ল হোল্লোৱে য়ুনিভর্সিটি ওফ লণ্ডন, য়ু কে দা চৎতুনা দোক্যুমেঃটরি বাই প্রাক্তিস হায়বসিদা মাষ্টর দিগ্রী ফংখি৷ মহাক৺া দিরেক্সন পীবা ‘অপফুটসা’ হায়বা মহাক্কী মধৌগী টাইম পেরিওদতা রিফ্লেক্ট তৌবা ভিদিও পোর্ত্র্যেট অসিনা নেসনেল পোর্ত্র্যেট গেল্লরি লণ্ডন, বাঙ শোর্ট ফিল্ম ফেষ্টিভেল, নোট্টিংহাম, য়ুনিভর্সিটি ওফ রোকেষ্টর, ন্যুয়োর্ক অমদি রুবিন ম্যুর্জিম ওফ অার্ট, ন্যু য়োর্কতা উৎখি৷ ‘দি ইমেজরি লাইন’ অমদি ‘দি ষ্টোরি ওফ এ হাউস’ হায়দিরবা ফিল্ম অনিসিদসু সোফি লাসুদুগা পুন্না কো-দিরেক্টর ওইমিন্নখি৷ মচিন তুমখৎলক্লিবী মেকর অসিনা ইং ২০১৪ দা টেক ৱান হায়রিবা নাগালেঃদগী কোহিমাদা বেজ তৌবা প্রদক্সন কম্পনি অসি লিংখৎখি৷ মহাক্কী পোক৺ফম ওইরিবা মণিপুরবু মালেমগী অতৈ মফম কয়াদা শক্তাকপা পাম্লিবা অমদি মচিন তুমখৎলক্লিবা মণিপুরগী নহা ওইরিবা ফিল্মমেকরনি ৱাংলেন খুঃেদাংবম৷ বেঙ্কোক্তগী দিজিটেল ফিল্মমেকিং অমসুং লণ্ডনগী মিদ্দলসেক্স য়ুনিভর্সিটিদগী ষ্টিঃট তৌরকখিবা ৱাংলেননি৷ মশাগী চহি ২১ শুরবা ৱাংলেননা মণিপুরদা থোরক্লবা মতুংদা নমখিবা ‘পল্লেফম’ হায়রিবসিনা মহাক্কী অহানবা ফিল্ম ওইখি৷ মহাক মশামকপু ব্লু বার্দ পিকচর্সকী এম দি ওইনা ফিল্মসিগী প্রদ্যুসর ওইরি৷ ফিল্ম অসি তোঙান তোঙানবা ফেষ্টিভেল কয়াদা উৎতুনা পোজিটিভ রিভিয়ুশিং ফংখি৷

সঙ্গে দোর্জি থোঙদোক, নহা ওইরিবা মেকর অসি অরুনাচল প্রদেশতগীনি৷ ইং ২০১৬ তা মহাকপু জর্মনিদা বর্লিনেল টেলেঃটকীদমক খনখি৷ চহিগী ওইবা বর্লিনেল টেলেঃটস হায়রিবসি বর্লিন ইঃটরনেসনেল ফিল্ম ফেষ্টিভেলগী য়াম্না মরুওইবা সম্মিট অমা ওইবতা নত্তনা নেটৱার্কিং প্লেটফোর্ম অমনি৷ ফিল্ম অমসুং দ্রামাগা মরী লৈনবা লমদা চংশিল্লিবা থোইদোক হেঃেদাক্লবা মীলই ৩০০ দি হায়রিবা বর্লিনেল টেলেঃটস অসিগীদমক খল্লি৷ থোঙদোককী ‘ক্রোসিং ব্রিদজেজ’ হায়রিবা ফিল্ম অসিনা ২০১৩ গী নেসনেল ফিল্ম এৱার্দসতা রাজট কমল ফংখি৷ ফিল্মসিগী মমাংদা ‘ইভনিং কেফে’ অমসুং ‘প্রট্যাবর্তন’ হায়বা শোর্ট ফিল্ম অনিসু শেমখি৷

অামামিজ সিনেমাদা ফিন্স দিরেক্টর অমা ওইবতা নত্তনা ইঃিদয়ান সিনেমাদসু মহাক বোদো কম্ম্যুনিটিগী থোইদোকপা মফম কল্লিবা এক্যরনি, কেন্নি বাসুমাতারি৷ মহাক অসি হোল্লিৱুদ এক্টর জেকি চানগুম্না কমেদি, মার্সিয়েল অার্টস অমদি লোকেল কুং-ফু ফিল্মদা দিরেক্সন তৌবা অমসুং কুম্বদা মমিং চৎলি৷

য়ু কে গী ইদিনভর্গ কলেজ ওফ অার্টতগী ফিল্ম এঃদ টেলিভিজনদা মাষ্টর দিগ্রি লোয়খ্রবা সোফি লাসুহ, নাগালেঃদগী নহা ওইরিবী ফিল্মমেকরনি৷ মহাক৺া এন দি টি ভি দা চংদ্রিঙৈগী মমাংদা ফিল্ম ইদিটর অমা ওইনা ইদিনবর্গ কলেজ ওফ অার্টতা লৈরমখি ৷ মহাক হৌজিক্তী নাগালেঃদদা হল্লক্তুনা সেসিনো য়হোসু গা লোয়ননা মখোয় মশাগী ক্যু হ্যু হায়রিবসি লিংখৎখ্রে৷ মখোয়গী অহানবা প্রদক্সন ওইখিবা ‘দি ষ্টোরি ওফ এ হাউস’ হায়রিবসি মখল কয়াগী ফিল্ম ফেষ্টিভেলশিংদা উৎতুনা ন্যু য়োর্কতা অখন্নবা মফম ফংখি৷ দালমিয়া গ্রুপনা ফিল্মমেকিংগী লমদা পীবা য়ং এচিভস এৱার্দ ইং ২০১৫ দা ফংখি৷ থোইদোক৺া পনবা য়াবা অমদি মহাক্কী গ্রেজুয়েসন ফিল্ম ‘চিলদ্রেন্স ওফ সাইলেন্স’ হায়রিবা অার্মদ ফোর্সেস স্পিসিয়েল পৱার এক্ট ১৯৫৮ দা য়ুম্ফম ওইখিবা ফিল্মসিনা কলেজ অসিগী বৃটিশ একাদমি ওফ ফিল্ম এণ্ড টেলিভিজন অার্টস (বাফটা) এৱার্দসকী খনগৎপদা য়াওখি৷

Ads