May 25, 2018/ Todays e-paper

খুমন লম্পাক্কী বোক্সিং এরেনা অপগ্রেদ তৌনবা লু: ক্রোর ৫ লাক্ষ ৫২গী প্রোজেক্ট রিপোর্ট শেমখ্রে


16th April 2018

থৌদাং পাউমীদগী

ইম্ফাল এপ্রিল ১৬: মণিপুর সরকারগী য়ুথ এফেয়ার্স এন্দ স্পোর্টস (য়াস) দিপার্টমেন্টকী মখাদা বোক্সীংগী শন্নরোইশিং অমদি মশান্না অসিবু য়োকখৎনবা লৌখৎলকপা সরকারগী খোংথাং অমা ওইনা খুমন লম্পাক স্পোটর্স কমপ্লেণ্ক্সতা লৈরিবা বোক্সিং এরেনা অসি অপ গ্রেদ তৌনবা লু: ক্রোর ৫ লাক্ষ ৫২ তাবা দিটেল প্রোজেক্ট রিপোর্ট (দি:পি:অার:) শেম শাখ্রে৷

মশামক জর্নেলিষ্ট ওইরম্বতা নত্তনা স্পোর্টস পার্সন ওইনা হৌরকপা চিফ মিনিষ্টর এন: বিরেনগী ইনিসিয়েটিভ মখাদা য়াস অমদি ন্বাটর রিসোর্সেস (হান্নগী অাই:এফ:সি:দি:) গী মিনিষ্টর লেৎপাও হাওকীপনা অকনবা মিৎয়েং চংদুনা মিনিষ্টর মশামক্না পায়রিবা ন্বাটর রিসের্ােসস দিপার্টমেন্টতা প্রোজেক্ট রিপোর্ট অদু শেম-শাহনখিবনি হায়রি৷

বোক্সীং শান্নরোইশিংগী ইন্টরেষ্টতা বোক্সীং মশান্নখকতগী ওইবা টুর্নামেন্ট নত্রগা কম্পিটিসন অমদি কোচিং প্রোগ্রামনচিংবা শিল্লাংবা য়ানবা অদুগা চেঞ্জিং রুম, রিক্রেসন সেন্টর অমসুং অতৈ দরকার ওইবা অহেনবা ফেসিলিটীশিং থম্বা য়ানবা শেম-শারিবা দি:পি:অার: অসি দিপার্টমেন্ট অসিনা অচৌবা দায়ত্ব লৌরগা দিপার্টমেন্ট অসিগী মখাদা নিংথিবা ক্বালিটী মেন্ট্যেন তৌনবা হাংলিনা ক্বালিটী কন্ট্রোল এন্দ মোনিটরীং দিভিজনগী খুত্থাংদা অখন্ননা শেম-শাহনখিবনি হায়রি৷

চৈরক অসিদা দিপার্টমেন্টকী মাইকৈদগী বোক্সীং এরেনা পাকথোক - চাওথোকহন্নবা অপগ্রেদেসনগী ওইবা থবক পায়খৎপদা লু: ক্রোর ৫ মখায় হেনবা অচৌবা শেলফম অসি দরকার ওইবগী মতুং ইন্না দিপার্টমেন্টনা মমাংদা ইয়ারমার্ক তৌখিবা বজেট অদুগী মথক্তা অহেনবা ফন্দগী শেলফম অসিগী এল্লোকেসন পীবিনবা প্লান্নিং এন্দ দিভেলপমেন্ট দিপার্টমেন্টতা নৌনা প্রপোজ তৌখ্রে৷ মসিগী মতাংদা মরী লৈনবা এদমিনিষ্ট্রেটিভ সেক্রেটরী কিমজালহাই কিপজেননা মথক্কী দিপার্টমেন্ট অসিগী দাইরেক্টরদসু প্রপোজেল লেটর থাজিনখ্রে হায়রি৷

অসুম্না য়াসতগী থারিবা বোক্সীং এরেনা অপগ্রেদ তৌবগী অহেনবা ফন্দ অসি প্লান্নিং এন্দ দিভেলপমেন্ট দিপার্টমেন্টনা নিয়মগী মতুং ইন্না প্রোসেস অমা তৌরবা মতুং প্লান্নিং পায়রিবা চিফ মিনিষ্টরগী অয়াবা লৌরগা ফাইনান্স দিপার্টমেন্টতা রিফর তৌবগা লোয়ননা দিপার্টমেন্ট অসিনা মখা তাবা প্রোসেস তৌরগা ক্লিয়ারেন্স পীরক্লবদি অপগ্রেদেসন তৌবগী প্রোজেক্ট অসি থবক ওইনা পায়খৎপা য়াগনি৷ মণিপুর সরকারগী ওইনা ফন্দগী ওইবা প্রোব্লেম অমা চাওনা লৈবনা মরম ওইদুনা প্রোজেক্ট রিপোর্ট অসি দোনর মিনিষ্ট্রী নত্রগা এন:ই:সি: দা রিফর অমুক তৌখিবা য়ানা লৈ হায়না পাউ অসিনা মখা তারি৷

Ads