May 25, 2018/ Todays e-paper

নুপীনা নুপীগী মশক লেপচরিবা ‘তোমথিন’


6th May 2018

নুপানা নুপী ওইবীশিংদা চত্থবা অওৎ-অনৈদগী নুপীনা নুপী ওইবীশিংদা চত্থবা অওৎ-অনৈনা হেন্না তমথি৷ মরুওইনা মনি-মমৌগী মরক্তা কল্লক-য়েংথিনবগী থৌওং অসিমক্তী ঙসিগী খম থেংনা চাউখৎলবা মতম অসি ফাওবদা কোকপা লৈত্রি৷ ফনা লাইরিক হৈবা নত্রগা হৈতবগী ৱাফমনা তোপ৺া থমখ্রগা খন্থবা ঙমদবা মীওইবগী ৱাখল চেনবা মনেম কয়া’মা লমদমসিদা লৈরি হায়বদু ‘তোমথিন’ হায়রিবা মণিপুরী ফিচর ফিল্মসিনা অমুক্কা নৌহৌননা নিংশিংহল্লি৷ প্রিয়োকুমারনা প্রজেঃট তৌবা, ভিজন ফিল্মস প্রদক্সনগী অনিশুবা প্রদক্সন অসি ওজিৎবাবু নিংথৌজমনা দিরেক্সন পীবনি৷ ‘শজিক থবা’ হায়রিবা মণিপুরী ফিচর ফিল্ম অসিনা দিরেক্টর অসিগী অহানবা দিরেক্টরিয়েল ভেঞ্চর ওইখি৷


ইম্ফাল সহরগী এরিয়েল শোট অমনা ফিল্মসিগী ইষ্টব্লিশিং শোট ওইরগা ফিল্ম অসি হৌই৷ মসিগী নুংগী ওইবা মরী অদু ফিল্মসিগী ৱারী পরিংদা দিরেক্টরনা মপুং ফানা শাগৎলি৷ ফিল্মসিগী অনিশুবা ইঃটরিয়র সিন অমদা সনাতোম্বা (সদানঃদা) গী কাদা সনারৈ (তোন্থোই) অমদি মচানুপী শিল্লৈমা (সুস্মিতা) অনিগী পোত্র্যেট ফোটো অদু কেমেরানা কেপচর তৌদুনা ৱাখল নুংঙাইতনা লৈরিবা সনাতোম্বাগী সিন উৎলি৷ মতাংসিদা অয়েংবশিংনা সনাতোম্বাগী লোয়নবী ওইরিবী সনারৈ অমদি পীক্লিবী মচানুপী শিল্লৈমা অনি অসি তাইবঙপান থাদোকখ্রবা হায়বগী ৱাহং অমগা ইরোয়ননা সস্পেন্স থমদুনা ফিল্ম অসিগী ৱারী হৌদোরকই৷ সনাতোম্বাগী নুপী অতোনবী ইবেনি (দেবিতা) অমদি মচানুপা শিলহেনবা হায়রিবা ত্রায়র্দ কেরেক্তর অসিদা করিগুম্বা মুক৺বা নত্রগা লোনদিন্নদবগী সিচ্যুয়েসন অমা উবা ফংহল্লি৷ সনাতোম্বনা মাগী লোয়নবী অমদি মচানুপাদা উৎলিবা মতৌ অদুনা ইমুং অদু ময়ি চৎলবা, তায়শিন্নফম খঙদবা থৌদোক অমনা ওইহনখিব্রা হায়বা ৱাহং অসি অয়েংবশিংদা ফাউহল্লি৷ ৱাহং অসিমক্কা ইরোয়ননা ইবেনি অমদি মচানুপা শিলহেনবগী লৈতাফম খঙদবা ফিভম অদু করম্না ওইরকখি হায়বদু সনাতোম্বগী হৌখ্রবা পুন্সিগী তাঙ্কক অমা ফ্লাশবেক পীদুনা ফোংদোরকই৷

ফিল্মসিগী অহৌবা শরুক্তগী সনাতোম্বগী মচানুপা শিলহেনবদা মপুং ওইনা প্রোজেক্ট তৌদুনা য়াম্না মনিং-মখা তম্বা, কেথোক মৌথোক৺া য়োক্লকপা করেক্টর ওইনা ফোকস তৌরবা মতুংদা সনাতোম্বনা মাগী মচানুপা অমদি লোয়নবী ইবেনিবু লোনদিন্নবা য়াদ্রিবনো হায়বগী মরম অদুসু থম্লকই৷ সনাতোম্বগী নুপী অহল সনারৈ অমদি মচানুপী শিলৈমা শিখিবা নত্তে হায়বসি ফ্লাশবেক নেরেশন অদুনা তাক্লকই৷ মচানুপী অমদগী হেন্না মখা তাবা য়াররোইদবা মমৌনুপী সনারৈবু মনেম ওইরিবা ধনমঞ্জুরিনা অখাবা মীৎয়েংনা য়েংবগা লোয়ননা য়ুম অদুদগী চৎখিনবা থৌরাংলকই৷ মচানুপা পোক্তে হায়দুনা মচানুপাগী অপাম-পামদগী ৱাখল য়েংদনা ইবেনিবু অনিশুবা মমৌ ওইনা লুহোংদুনা লৌখি৷ মদুগী মখা তারকপদা সনারৈ অমদি ইবেনিগী মরক্তা মত তিন্নরক্তবনা মরম ওইদুনা সনারৈনা মচানুপীবু পুদুনা করিসু মরী থোক৺দবা খুঙ্গংগী অহল অমগী ময়ুমদা শৈদাংদুনা লৈরকখি৷ সনাতোম্বনা মমা-মচাবু কৌরুগে হায়বা মতমদসু মমানা য়াখিদে৷ মসিদগী সনাতোম্বগী ৱাখলসু নিংবা কায়খি৷ ফ্লাশবেক হঞ্জিল্লক্তুনা ৱারী পুম্বা খঙলবা শিলহেনবনা মমা অহল অহল অমদি মচেগী খোঙ্গুল লিরক্তুনা থেংনখি৷ মহাক৺া অশেংবা অমত্তা খঙহঃদনা য়ুম অদুদা চংজফম লৌদুনা লৈরবা মতুং মচে শিল্লৈমনা সিভিল সার্ভিসপী পরিক্ষ্যাদা মায় পাক্লবা মতমদা অরোৎপা মায়খুম হাংদোক্তুনা মতম কয়া কায়নরুরবা মমা মচাবু হন্না সনাতোম্বনা থেংনদুনা হান্নগুম অমত্তা ওইনা লৈমিন্নবা খঙখি৷ মসিগী থৌরাং পুম্বদি তোমথিনগী শক্তম লাংলিবা শিলহেনবনা শিনখিবনা মরম ওইরগা ফিল্মসিগী টাইটলসু মঙোঃদা পীরি৷ মহাক্কা হান্না শকখঙনখিবী অমদি মমাহলনা চংজফম লৌদুনা লৈরম্লীবা য়ুম অদুগী অহল ইধৌগী মচানুপী বিল্লাবুসু ফংজখি৷

ফিল্মসিগী ষ্টোরিসি ফেমিলি ষ্ট্রকচরনি, খরসু কমপ্লেক্স চৎলি৷ তোমথিন (শিলহেনবা) না মমাহলগী খোঙ্গুল লিরকপগী মতাংদা ময়ামদা ফোটো উৎ উৎতুনা থিরকপা অমদি মহাক৺া ময়ুমদা হঃদবমখৈ মখোয়গী য়ুমদা লৈবদু হৌজিক্তা খরা চানবা ৱাৎলি অমদি সনাতোম্বনা কুইনা কায়নরুরবা সনারৈ মমা-মচাবু রিসেপ্সনগী থৌরম অমদা থেংনহনবদুসু খজিক্তং ফজবা ৱাৎলি৷ মসি লন্নাই ওইবা ওবজার্ভেসননি, দিরেক্টরিয়েল ত্রিটমেঃটতা হেন্না মতেং ওইগনি হায়বগী সজেসন অদুনি৷ মসিনা ফিল্মসিগী থোইদোক৺া চাং তাহনবগী ৱাফম লৈতনা ফেমিনসেন্ত্রিক ওইবা ফিল্ম অসিনা ফোংদোকি৺ংলিবা ৱারীসিগী মপাউ অদুদি মায় পাক৺া ফোংদোক্লে৷ ফিল্মসিদা লিদিং রোল পুখিবা সদানঃদা, তোন্থোই, ধনমঞ্জুরি অমদি দেবিতা য়াম্না চঙখোন্না করেক্টর ৱার্ক তৌখি৷ লিদিং হেরোগী রোল পুখিবা শিলহেনবা য়াম্না প্রোমিজিং ওইনা মাগী পার্ফোমেন্স অমসুং এপিয়ারেন্সতা অদুক্কী মতিক চিংনবা য়াওদনা ফজনা এক্ট তৌখ্রে৷ মাগা কো এক্ট পীমিন্নখিবা বিল্লা ঙাথেমসু নেচরেল ওইনা অশোনবা লৈতনা এক্ট তৌখি৷ সপ্পোর্ট সাইদতা লৈখিবা এক্ট্রেস সুস্মিতা অমদি ইধৌগী এক্টিং এক্সপরিয়েন্স থোইদোক৺া ফোংদোকি৺ঙাই লৈত্রে৷ ফিল্মসিদা মখোয় অনিগী রোল অসি য়াম্না শিংথানিঙাই ওইরি৷ ফিল্মসিগী ইদিটর অমদি সিনেমাটোগ্রাফর ওইরিবা সাঞ্জিৎ এক্স এল ৱার্কতা অপেনবা ওইরে, ইদিটিং কট মশা নান্না অমদি শোট কেপচরিংদা নুংঙাইতবা লৈত্রে৷ একে য়াঙ্গোই অমদি ননাও শগোলমাংগী ম্যুজিক স্কোরিং ফজবা কম্পোজিসননি৷ ‘তোমথিন’ কম্মর্সিয়েল দোজ য়ামহঃদনা ইঃটটেনিংগী কঃেটঃটসু য়াওরবা অফবা ফেমিলি মুভি অমনি৷

Ads